Wednesday, January 7, 2009

വാക്കിലൊതുങ്ങാത്ത നിലവിളികള്‍

ചിന്തകളുടെ ആകാശക്കോട്ടകളെ ഭയക്കുന്നതു കൊണ്ട്, സത്യമായിട്ടും ലാപുടയിലേക്കുള്ള എന്റെ പോക്കുവരവുകള്‍ എളുപ്പമാവാറില്ല. പോയാല്‍ തിരിച്ചു വരുന്നത് ഒന്നുകില്‍ രണ്ടായി പകുക്കപ്പെട്ട്, അല്ലെങ്കില്‍ കണ്ണാടിക്കു മുന്നിലെന്നപോലെ ഒറ്റപ്പെട്ട്. “കീറും മുന്‍പ് കൂടിയ മുറിവുകള്‍“ തരുന്ന വേദനപോലെ ആഴത്തില്‍ ചിലത്. വാക്കിലൊതുങ്ങാത്ത നിലവിളികളായി, ഉത്തരം മുട്ടുന്ന കടംകഥകളായി, ഓര്‍മ്മയിലും മറവിയിലും ഇല്ലാത്ത ഭാഷയില്‍ സംവദിക്കുന്ന വരികള്‍. ഇലയനക്കം പോലെ അറിവ്, പിറകെ ഉരുള്‍പ്പൊട്ടിയൊലിച്ചു പൊവുന്ന നിരര്‍ത്ഥകത. ഒറ്റ വായനയില്‍ത്തന്നെ തച്ചുടക്കുന്ന അനുഭവങ്ങളാണ് വിനോദിന്റെ കവിതകളിലേറെയും.

വായനയുടെ പുതിയ സാധ്യതകള്‍ അന്വേഷിക്കുന്നവര്‍ക്കായി ഈ കവിതകള്‍ പ്രസിദ്ധീകരിക്കപ്പെടുന്നു.വിനിമയങ്ങളുടെ സൈബര്‍ ഇടത്തില്‍ നമ്മിലൊതുങ്ങി നമ്മളില്‍ ചിലര്‍ വായിച്ചും പറഞ്ഞും അറിഞ്ഞ ഒരു രഹസ്യക്കലവറ വെളിപ്പെടുകയാണ്. ബുക്ക് റിപബ്ലിക്കിലൂടെ. ഒരു പ്രസാധകന്റെയും കീറിമുറിക്കലിനും വെട്ടിത്തിരുത്തലുകള്‍ക്കും വഴങ്ങേണ്ടി വരാതെ സ്വയംഭൂവായി നിലവിളിയേക്കുറിച്ചുള്ള കടംകഥകള്‍പിറന്നുവീഴുകയാണ്. ജനുവരി പത്തിനു വൈകീട്ട് ഇടപ്പള്ളി ചങ്ങമ്പുഴ സ്മാരക പാര്‍ക്കില്‍. ഏവര്‍ക്കും സ്വാഗതം.

4 comments:

sreeni sreedharan said...

ഈ ബ്ലോഗിലെ ആദ്യ വായനയാണ്. ആദ്യത്തെ പാര‍ഗ്രാഫ് വായിച്ചെന്റെ റിലേ കട്ടായി!!

sreeNu Guy said...

ചങ്ങപുഴ പാര്‍ക്കില്‍ ഞാന്‍ ഉണ്ടായിരുന്നു. ചടങ്ങില്‍ പങ്കെടുത്തു. സന്തോഷം അറിയിക്കുന്നു.

Jithendrakumar/ജിതേന്ദ്രകുമര്‍ said...

വളരെ അര്‍ത്ഥപൂര്‍ണ്ണമായ നല്ല കവിതകള്‍ (തുളച്ചിറങ്ങുന്ന ചിന്തകള്‍ നിറഞ്ഞത്‌) ഇപ്പോഴെങ്കിലും ആ ബ്ളോഗില്‍ എത്തിച്ചതിനുനന്ദി.

പുസ്തകം ആരുടേയും ശുപാര്‍ശ ഇല്ലാതെ തന്നെ ലാപുട യിലെ കവിതകള്‍വായിച്ചവര്‍ വാങ്ങുമെന്നുറപ്പ്‌. എന്തായാലും ആശംസകള്‍!അതുപോലെ ഈ പരിചയപ്പെടുത്തലിനു നന്ദിയും.

(ലേഡി ലാസറസില്‍ ഏറെ ക്കാലത്തിനു ശേഷം ഒരു കഥ എന്ന വിശ്വാസത്തിലാണ്‌ ഈ പോസ്റ്റിലെത്തിയത്‌, അക്കാര്യത്തില്‍ നിരാശ ഇപ്പോഴുമുണ്ട്‌)

anilkumarpayyap... said...

Sheeees 4warded the blog. I don't undestand why. Got some unpublished stuff with me, will you rite a series of reviews for this 'fool'?

Post a Comment